Azərbaycan Kubokunda tarixi seriya sona çatdı – “Neftçi” 33 il sonra ilk dəfə 1/4 finala yüksələ bilmədi.
90plus.az xəbər verir ki, 1992-ci ildən bəri təşkil olunan turnirdə indiyə qədər keçirilən bütün 33 mövsümdə səkkiz ən yaxşı komandadan biri olmağı bacaran “ağ-qaralar” bu dəfə ənənəni qoruya bilməyib.
Bu tarixi dəyişiklik 1/8 final mərhələsində “Zirə” ilə görüşdə baş verib. Zirə İdman Kompleksində keçirilən matçın əsas vaxtı qolsuz bitsə də, əlavə dəqiqələrdə vurulan yeganə qol Bakı klubunun turnirlə vidalaşmasına səbəb olub – 0:1.
Bu oyuna qədər “Neftçi” Azərbaycan kubokunda:
- hər mövsümdə iştirak edən,
- və hər mövsümdə mütləq 1/4 finala yüksələn yeganə komanda statusunu qoruyurdu.
Artıq bu rekord mövsümün 1/8 finalında dayandı.
Digər komandaların göstəriciləri:
- “Qarabağ” – 26 dəfə 1/4 final
- “Şamaxı” – 19 dəfə 1/4 final
Mənbə: PFL
