Acun Ilıcalının sahibi olduğu “Hall Siti” İngiltərə Çempionşipində səfərdə vacib qələbə qazanıb. Narıncı-qara rəngli komanda 27-ci tur çərçivəsində “Sauthempton”la qarşılaşıb və meydanı 2:1 hesablı qələbə ilə tərk edib.

90plus.az xəbər verir ki, qarşılaşmada “Hall Siti”nin qollarını Cozef və Hyuz vurub. Bir müddət əvvəl Premyer Liqada çıxış edən və liqanın ən dəyərli heyətlərindən birinə sahib olan “Sauthempton”u doğma meydanda məğlub etmək “Hall Siti” üçün mühüm nəticə olub.

Bu qələbə ilə “Hall Siti” son 7 oyunda 5 qələbə və 1 heç-heçə əldə edib. Bir oyunu əskik olmasına baxmayaraq, komanda 44 xalla turnir cədvəlində 5-ci pilləyə yüksəlib.

Acun Ilıcalının rəhbərliyində çıxış edən “Hall Siti” bu nəticə ilə pley-off yolunda iddiasını daha da gücləndirib.