"Qarabağ"ın futbolçusu Patrik Andradenin şərəfini qoruduğu Kabo-Verde millisi Afrika Millətlər Kubokunda 1/4 final səddini aşa bilmədi. 90plus.az xəbər verir ki, Cənubi Afrika millisi ilə qarşılaşmada əsas və əlavə vaxtda qol vurulmayıb. Penaltilər seriyasında isə Cənubi Afrika yığması daha dəqiq olaraq (2:1) yarımfinala yüksəlib. Matçın 65-ci dəqiqəsində meydana daxil olan Andrade sonuncu penaltidən yararlana bilməyib. Buna qədər isə Andradenin 3 komanda yoldaşı topu rəqib qapısından keçirə bilməyib: Kabo Verde 0 - 0 CAR (Pen: 1-2) Maraqlı epizod: Ronven Uilyams Afrika Millətlər Kuboku tarixində penaltilər seriyasında 4 penaltini dəf edən ilk qapıçı oldu. VİDEO: https://t.me/doxsanplus/75151 Yarımfinalda Cənubi Afrika Nigeriya ilə, Kot-d'İvuar isə Konqo Demokratik Respublikası yığması ilə qarşılaşacaq. 7 fevral Saat 21:00. Nigeriya – Cənubi Afrika Saat 00:00. Kot-d'İvuar - Konqo DR