“Milan”ın baş məşqçisi Massimiliano Alleqri İtaliya Superkubokunun yarımfinalında “Napoli”yə qarşı uduğu oyunu (0:2) belə dəyərləndirib:
90plus.az xəbər verir ki, 58 yaşlı italyan mütəxəssis bunları deyib:
“Hər iki komandanın yaxşı oynadığı bir oyun idi. Onlar müdafiədə daha yaxşı təsir bağışladılar və qalib gəldilər. Biz Kubokda və Superkubokda uduzduq və yenidən düzgün yola qayıtmalıyıq.
Hakimlər yaxşı iş gördülər. Birinci qolla bağlı epizodda daha yaxşı müdafiə olunmalı idik. Son oyunlarda qapımızdan çox asan qollar buraxırıq və bunu yaxşılaşdırmalıyıq. Bu oyuna bir fürsət kimi baxmalıyıq və uduzduğumuza görə üzgünük.
Yaxşı epizodlarımız var idi, amma cərimə meydançasında daha yaxşı hücum etməli idik. Belə oyunlarda hər şeyi səhvlər həll edir – birinci qolda səhv etdik, iki dəfə topu itirdik və nəticə də buna görə belə oldu.
Nkunku? O, çox çalışdı və bəlkə də vurduğu qol maneəni qırmağa kömək edəcək. O, cəmi üç aydır İtaliyadadır və uyğunlaşmalıdır, amma keyfiyyətləri çox önəmlidir və biz onlardan istifadə etməliyik.
Əgər ardıcıl üç oyunda iki qol buraxırsansa, deməli nəyisə dəyişmək lazımdır. Gələcəkdə dörd müdafiəçi ilə oynayacağıq? Bir oyun üç aylıq işi silməməlidir. Məqsədimiz ilk dördlüyə düşməkdir və buna yalnız sakitliklə nail ola bilərik. Özümüzə inamı itirməməliyik; əgər yaxşı nəticələr əldə etmişiksə, bunun bir səbəbi var".
