“La Gazzetta dello Sport”un yazdığına görə, “Milan”ın yeni baş məşqçisi Massimiliano Alleqri klubda bir sıra sərt qaydalar tətbiq edib.

90plus.az xəbər verir ki, 57 yaşlı italyan mütəxəssis futbolçuları ötən mövsümü unutmağa, sıfırdan başlamağa, “Milan”ın DNA-sını və qələbə istəyini mənimsəməyə, hər zaman komandaya üstünlük verməyə çağırıb.

Bundan əlavə, Alleqri aşağıdakı qaydaları tətbiq edib:

• İlk gündən ikili məşq seansları;
• Oyun olmadığı həftələrdə intensiv məşqlər;
• Məşqə gecikən futbolçu növbəti oyundan kənarlaşdırılacaq;
• İclaslar, yeməklər və paltardəyişmə otağında mobil telefondan istifadə qadağandır;
• Düzgün çəkini qorumaq üçün səhər yeməyi və nahar klub bazasında olacaq;
• Güclü mentalitet — daha az qol buraxmaq üçün;
• Meydanda tez qərar vermək bacarığı.

Xatırlatma: Ötən mövsüm “Milan” A Seriyasında mövsümü 8-ci pillədə başa vurmuşdu.