“Əla komandaya qarşı əla oyun idi” – Liverpulun 1:0 hesablı “Real Madrid” üzərində qələbəsində yeganə qolu vuran Aleksis Mak Allister Amazon Prime-a danışıb.

90plus.az xəbər verir ki, 26 yaşlı argentinalı yarımmüdafiəçi bunları söyləyib:

“Vacib qələbədir, amma bunun hələ heç nə demədiyini bilirik. Keçən mövsüm qrupdan birinci çıxdıq, amma tez dayandıq. Özünəinam qurmaq vacibdir.

Burada vurduğum ən xüsusi qollardan biri idi.”

“Çox güclü rəqibə qarşı yaxşı oyun oldu. Bu, vacib qələbədir, amma bilirik ki, eyni tempdə davam etməliyik. Özünəinamı qorumaq vacibdir. Bu gün yaxşı gündür.

Hamımız bilirik ki, Kurtua fantastik qapıçıdır. Möhtəşəm qurtarışlar etdi, amma məncə bu gün daha yaxşı idik və qələbəyə layiq idik” – deyə “Liverpul”un yarımmüdafiəçisi bildirib.

Enfildəki qələbədən sonra “Liverpul” Çempionlar Liqası cədvəlində “Real Madrid”ə çatıb – hər iki komandanın 9 xalı var.

Komanda zəif seriyadan sonra çıxışını düzəldib və ardıcıl ikinci qələbəsini qazanıb.