Almaniya millisinin, eləcə də “Bayern Münhen” və “Mançester Siti” klublarının keçmiş futbolçusu Jerom Boatenq karyerasını bitirib.
90plus.az xəbər verir ki, 37 yaşlı müdafiəçi bu qərarını şəxsi sosial media hesablarında açıqlayıb.
O, paylaşımında peşəkar futbola vida etdiyini bildirib.
Boatenqin son komandası bu ilin avqustunda ayrıldığı Avstriya təmsilçisi LASK olub.
Təcrübəli oyunçu karyerası ərzində Almaniyanın “Herta” və “Hamburq”, İngiltərənin “Mançester Siti”, Fransanın “Lion” və İtaliyanın “Salernitana” klublarının formasını geyinib.
Jerom Boatenq Almaniya yığmasında 76 oyun keçirib və bu matçlarda 1 dəfə fərqlənib.
