Konfrans Liqasında son 2 mərhələnin püşkü atılıb

UEFA Konfrans Liqasında 1/4 final və yarımfinal mərhələlərinin püşkatma mərasimi keçirilib.
 
 90plus.az xəbər verir ki, İsveçrənin Nyon şəhərindəki tədbirdə hər iki raundun cütlükləri müəyyənləşib.
 

Pley-off mərhələsində "Qarabağ"ı, 1/8 finalda isə "köhlən atlar"ın qrup mərhələsindəki rəqibi olmuş İsveçrə "Bazel"ini mübarizədən kənarlaşdıran Fransa "Marsel"i 1/4 finalda Yunanıstan PAOK-u ilə qarşılaşacaq.
 

Püşkatma zamanı həmçinin final matçının nominal meydan sahibi də bəlli olub.
 

UEFA Konfrans Liqası
 1/4 final
 "Budyo Qlimt" (Norveç) - "Roma" (İtaliya)
 "Feyenoord" (Niderland) - "Slaviya" Praqa (Çexiya)
 "Marsel" (Fransa) - PAOK (Yunanıstan)
 "Lester" (İngiltərə) - PSV (Niderland)
 

Yarımfinal
 1. "Lester" (İngiltərə) - PSV (Niderland) / "Budyo Qlimt" (Norveç) - "Roma" (İtaliya)
 2. "Feyenoord" (Niderland) - "Slaviya" Praqa (Çexiya) / "Marsel" (Fransa) - PAOK (Yunanıstan)
 

Final
 1-ci cütün qalibi - 2-ci cütün qalibi
 

Qeyd edək ki, 1/4 final matçları aprelin 7-si və 14-də, yarımfinal qarşılaşmaları aprelin 28-də və mayın 5-də olacaq. Final görüşü isə mayın 25-də Albaniyanın paytaxtı Tiranadakı Milli Arenada oynanılacaq.