Argentinada Messi ilə selfi çəkdirən qadın maraqlı hadisəni bölüşüb.

90plus.az xəbər verir ki, bir ana oğlundan alış-verişə getməsini istəyib, lakin oğlu “başqa işlərim var” deyərək bu təklifdən imtina edib. Anası isə təkbaşına alış-verişə gedib və orada dünyanın ən məşhur futbolçularından biri – Lionel Messi ilə qarşılaşıb.

Ana yalnız Messi ilə deyil, həmçinin Argentina millisinin digər üzvü Rodriqo de Paul ilə də rastlaşıb və hər ikisi ilə selfi çəkdirərək şəkli oğluna göndərib. Sosial şəbəkələrdə yayılan görüntülərdən aydın olur ki, ana bu anı böyük sevinclə qarşılayıb, oğlu isə əlbəttə ki, həyatının nadir fürsətlərindən birini qaçırıb.

Hadisə qısa zamanda sosial mediada yayılıb və istifadəçilər bu vəziyyəti həm gülüşlə, həm də təəssüf hissi ilə qarşılayıblar. 

Qeyd: Lionel Messi hazırda ABŞ-ın “İnter Mayami” klubunda çıxış edir və tez-tez ictimaiyyət arasında görüntülənir.