Braziliyalı ulduz futbolçu Neymar haqqında diqqətçəkən qərar açıqlanıb.
90plus.az xəbər verir ki, karyerasına başladığı klub olan Braziliya təmsilçisi “Santos”da çıxışını davam etdirən hücumçu ilə bağlı yeni məlumat yayılıb. ESPN-in xəbərinə görə, Braziliya millisinin baş məşqçisi Karlo Ançelotti ulduz futbolçunu Dünya Çempionatının heyətinə daxil etmək məsələsində hələ də tam əmin deyil.
Ən yüksək ehtimal…
Son milli fasilə zamanı aparılan müşahidələrin o qədər də ümidverici olmadığı bildirilib. Məlumata əsasən, 34 yaşlı hücumçunun milliyə dəvət olunmama ehtimalı kifayət qədər yüksək qiymətləndirilir.
2025/26 mövsümündə “Santos” forması ilə 5 oyuna çıxan Neymar ümumilikdə 404 dəqiqə meydanda olub. O, bu qarşılaşmalarda 3 qol vurub və 2 məhsuldar ötürmə ilə yadda qalıb.
