Arauxo qələbə qolundan sonra: “Əgər hücumçu olsaydım, daha çox qol vurardım”.

90plus.az xəbər verir ki, "Barselona”nın müdafiəçisi Ronald Arauxo La Liqanın 10-cu turunda “Jirona”ya qarşı matçda komandasına qələbə qazandıran qolun müəllifi olub (2:1).

Urugvaylı futbolçu oyundan sonra jurnalistlərə açıqlamasında həm sevincini, həm də özünəməxsus yumorunu bölüşüb:

 “Hamı bilir ki, əvvəllər hücumçu kimi oynayırdım. Düşünürəm ki, əgər indi də hücumçu olsaydım, daha çox qol vurardım (gülür).”
 Məşqçi məndən soruşanda tərəddüd etmədən ‘bəli’ dedim. Formanı geyinməyə gedəndə dedim ki, ‘əgər meydana girsəm, qol vuracam’. Hamı gülürdü, amma sonra qol vuranda mənə gülənlər də sevindi. Komanda üçün çalışıram, çox xoşbəxtəm.”

Arauxo bu mövsüm La Liqada 8-ci oyununa çıxıb və 1 qol vurub. “Barselona” 10 turdan sonra 23 xalla turnir cədvəlinin zirvəsinə yaxın mövqedə qərarlaşıb.