Arda Turan: “Azərbaycanla oyunda Ukraynanı dəstəklədim”.

90plus.az xəbər verir ki, Donetsk “Şaxtyor”unun türkiyəli baş məşqçisi Arda Turan DÇ-2026-nın seçmə mərhələsində keçirilən Ukrayna – Azərbaycan (2:1) oyununu tribunadan izləyib.

Matçdan sonra gənc mütəxəssis jurnalistlərə açıqlama verib:

“Azərbaycan millisinə böyük hörmətim var, amma Ukraynada işləyirəm və özümü buranın bir parçası kimi hiss edirəm. Bu oyunda Ukraynanı dəstəklədim. Futbolçularımla qürur duyuram — İslandiya və Azərbaycana qarşı yaxşı çıxış etdilər.

Onlar üçün hazırda oynamaq asan deyil, çünki bütün matçlarını səfərdə keçirirlər.”

Qeyd: Arda Turan 2025-ci ilin yayında “Şaxtyor” klubunun baş məşqçisi təyin olunub.