Argentina Maradonanın əfsanəvi qoluna həsr olunmuş sikkə buraxdı.
90plus.az xəbər verir ki, Argentinanın Mərkəzi Bankı futbol əfsanəsi Dieqo Maradonanın məşhur qoluna ithaf olunan xatirə sikkəsini təqdim edib.
2026-cı ildə keçiriləcək Dünya Çempionatına həsr edilən sikkə 925 əyarlı gümüşdən hazırlanıb və 10 dollarlıq nominal dəyərə malikdir.
Sikkənin arxa tərəfində Maradonanın DÇ-1986-nın 1/4 finalında İngiltərə millisinə qarşı (2:1) vurduğu məşhur qoldan əvvəlki irəliləyiş trayektoriyası təsvir olunub.
Bu addım həm Maradonanın irsinə hörmət əlaməti, həm də futbol tarixinin ən yaddaqalan anlarından birinə simvolik ehtiram kimi qiymətləndirilir.
