“Liverpul”un baş məşqçisi Arne Slot “Mançester Siti”dəki həmkarı Pep Qvardiola haqqında danışıb.

90plus.az xəbər verir ki, bu gün İngiltərə Premyer Liqasında mövsümün oyunu keçiriləcək. Bakı vaxtı ilə saat 20:00-da "Liverpul" öz meydanında "Mançester Siti"ni qəbul edəcək. Oyundan əvvəl Mersisayd təmsilçisinin baş məşqçisi Arne Slot Qvardiola haqqında fikir bildirib:

“Futbolda az adam var ki, onların komandalarının oyunlarına baxanda sıxılmırsan. “Barselona”, “Bayern” və ya “Mançester Siti”nin 10 oyunundan 9-u futbolu sevən hər kəs üçün maraqlıdır. Buna görə də, Qvardiolanın komandalarının oyununu izləməyi xoşlayıram”.

Pep Qvardiolanın "Mançester Siti"si, noyabr ayı ərzində Premyer Liqada xal qazanmayan yeganə komanda oldu.