Trent Aleksandr-Arnold “Real Madrid”də ağır zərbə aldı – ingiltərəli müdafiəçi 2 ay meydanlardan uzaq qalacaq.
90plus.az xəbər verir ki, “Real Madrid” müdafiə xəttində ciddi itki ilə üzləşib. La Liqada “Atletik”ə qarşı keçirilən və 3:0 hesabı ilə qazanılan oyunda Trent Aleksandr-Arnold bud əzələsində problem yaşayaraq 55-ci dəqiqədə meydanı tərk edib.
Tibbi müayinələrdən sonra məlum olub ki, ingiltərəli futbolçu təxminən 2 ay yaşıl meydanlardan kənarda qalacaq. Bu, onun qış dönəmində 11 matçı buraxması deməkdir.
Uğursuz başlanğıc
Aleksandr-Arnoldun Madrid karyerasının startı gözlənildiyi kimi alınmır. Sağ cinah müdafiəçisi artıq bir neçə dəfə xırda zədə problemləri ilə üzləşmişdi və son qarşılaşmada aldığı əzələ zədəsi vəziyyəti daha da ağırlaşdırıb.
“Real Madrid” heyət dərinliyinə baxmayaraq, onun yoxdurluğunda xüsusilə sağ cinahda rotasiya imkanlarının məhdudlaşacağı gözlənilir.
Məlumatı jurnalist Arancha Rodríguez yayıb.
Madrid klubunun müdafiədə hansı həll yollarına üstünlük verəcəyi qarşıdakı matçlarda məlum olacaq.
