“Arsenal” Kenan Yıldız üçün hərəkətə keçdi – London klubu 2026-cı ilin əsas transfer hədəfini müəyyənləşdirib.
90plus.az xəbər verir ki, "Arsenal” “Yuventus”un yüksələn ulduzu Kenan Yıldızın transferi üçün addımlarını sürətləndirib. London klubu artıq İtaliya nəhəngi ilə əlaqə saxlayaraq futbolçunun mövcud vəziyyəti və tələb oluna biləcək şərtlər barədə məlumat toplamağa başlayıb.
“Arsenal”ın prioriteti: Kenan Yıldız
Məlumata görə, “Arsenal” 19 yaşlı türk hücumçunu 2026-cı il üçün prioritet transfer hədəfi kimi müəyyən edib. Klub rəhbərliyi onun uzunmüddətli layihəyə tam uyğun olduğunu hesab edir.
“Yuventus” hələ qiymət qoymayıb
Turin təmsilçisi isə Kenanla yeni müqavilə danışıqlarını davam etdirdiyi üçün hazırda futbolçu üçün rəsmi qiymət təyin etməyib. “Yuventus”un əsas planı gənc yetirməsini komandada saxlamaqdır, amma Premyer Liqa nəhənginin marağı danışıqların gedişinə təsir edə bilər.
Böyük klubların radarında
Kenan Yıldız son mövsümdə göstərdiyi performansla Avropada diqqət çəkən ən gənc istedadlardan birinə çevrilib. Onun sürəti, texnikası və yaradıcılığı xüsusilə hücum xəttində çevik rol oynaya bilməsi “Arsenal” kimi klubları cəlb edir.
Xəbəri “Tuttomercato” yayıb.
London təmsilçisinin ən ciddi hədəflərindən biri olan Kenan Yıldız üçün növbəti aylarda transfer yarışının daha da qızışacağı gözlənilir.
