Qadınlardan ibarət “Arsenal” komandası “Liverpul”un hücumçusu Oliviya Smiti dünya rekorduna çevriləcək 1 milyon funt sterlinq dəyərində transferlə heyətinə qatmağa hazırlaşır.
90plus.az xəbər verir ki, tərəflər arasında bütün razılaşmalar əldə olunub və transferin yaxın 24 saat ərzində rəsmən açıqlanması gözlənilir.
20 yaşlı kanadalı hücumçu ötən mövsüm “Liverpul”un əsas bombardiri olub – o, komandaya 2024-cü ilin iyulunda “Sportinq Lissabon”dan klub rekorduna çevrilən 250 min avro (212 min funt) qarşılığında transfer olunmuşdu və bir mövsümdə 7 qol vurmuşdu.
Bu transfer "Çelsi”nin 2024-cü ilin yanvarında ABŞ yığmasının müdafiəçisi Naomi Girmanı “San Dieqo Ueyv”dən 1,1 milyon dollara transfer etməsindən sonra qadın futbolunda qeydə alınan ən yüksək ödənişli keçidi geridə qoyur.
Smitin “Arsenal”a keçidi onun daim arzuladığı yüksək səviyyədə oynamaq məqsədi ilə üst-üstə düşür. O, əvvəllər “Qızıl top”u qazanmaq və böyük turnirlərdə iştirak etmək istədiyini açıq şəkildə dilə gətirmişdi.
Kanada millisində və “Liverpul”da göstərdiyi çıxışlarla, o cümlədən 2024-cü ildə “Kanada Futbol Federasiyası” tərəfindən ilin ən yaxşı gənc oyunçusu seçilməsi ilə “Arsenal”ın diqqətini çəkən Smit, London təmsilçisinin bu yaykı əsas hədəflərindən biri olub.
Qeyd: "Arsenal” qadın komandası ötən mövsüm İngiltərə Superliqasında ikinci yeri tutub və yay transfer pəncərəsində olduqca fəal hərəkət edir. Komanda “Mançester Siti”dən icarədə olan hücumçu Xloi Kellinin transfer hüququnu daimi şəkildə alıb və Oliviya Smitin “Liverpul”dakı komanda yoldaşı Teylor Haynsi də heyətinə qatıb.
