“Arsenal”ın gənc müdafiəçisi Marli Salmon FA Kuboku tarixində klub adına yeni rekorda imza atıb. 16 yaş 135 günlüyündə meydana çıxan mərkəz müdafiəçisi “topçular”ın FA Kubokunda forma geyinən ən gənc futbolçusu olub.

90plus.az xəbər verir ki, gənc futbolçu oyunun 76-cı dəqiqəsində Qabriel Maqalyaeşin əvəzinə meydana daxil olub və bununla da adını klub tarixinə yazdırıb.

Bu vaxta qədər rekord 2014-cü ilin yanvarında “Koventri Siti”yə qarşı keçirilən FA Kuboku matçında 16 yaş 363 günlüyündə debüt edən Gedion Zelalemə məxsus idi.

Marli Salmon hələ Premyer Liqada debüt etməsə də, artıq Çempionlar Liqasında ilk oyununu keçirib. O, 10 dekabr 2025-ci ildə “Arsenal”ın “Klub Brüqqe”ni 3:0 hesabı ilə məğlub etdiyi görüşdə matçın son dəqiqələrində meydana çıxaraq avrokuboklarda debüt edib.

Bu hadisə “Arsenal” akademiyasının gələcək üçün ümidverici istedadlar yetişdirdiyini bir daha nümayiş etdirib.