“Roma”da böhran dərinləşir — 14 ilin antirekordu qeydə alındı.

90plus.az xəbər verir ki, “Roma” Avropa Liqasının Liqa mərhələsinin 3-cü turunda gözlənilmədən evdə “Viktoriya Plzen”ə 1:2 hesabı ilə məğlub olub. Bu nəticə italiyanların son illərdəki ən zəif ev seriyasını rəsmiləşdirib.

Çexiya klubu matçın ilk 22 dəqiqəsində iki dəfə fərqlənərək hesabı 2:0-a gətirib. “Roma” yalnız ikinci hissədə – 55-ci dəqiqədə penalti zərbəsi ilə Paulo Dibalanın qolu sayəsində fərqi azalda bilib. Argentina millisinin ulduzu topu qapıçının əks istiqamətinə göndərərək Avropa Liqasında bu mövsümdəki ilk qolunu vurub.

Dibala görüşün bütün 90 dəqiqəsini meydanda keçirib, onun həmvətəni Matias Suale isə start heyətində çıxış etsə də, ikinci hissədə əvəzlənib:

Roma 1-2 Viktoriya Plzen
Adu 20'
Souare 22'
Dibala 55' (pen.)

Qollar:
https://t.me/doxsanplus/109566
https://t.me/doxsanplus/109567

Bu məğlubiyyətlə “Roma” son 3 ev oyununda ardıcıl uduzaraq son 14 ilin antirekordunu müəyyənləşdirib. Komanda daha əvvəl A Seriyasında “İnter” və Avropa Liqasında “Lill” qarşısında eyni hesabla – 0:1 hesablı məğlubiyyətlər yaşamışdı.

2011-ci ildən bəri “Roma” ardıcıl 3 ev matçında uduzmağa ilk dəfə yol verir.

Can Pyero Qasperininin rəhbərliyi altında “Roma” bu mövsüm ümumilikdə 10 oyundan 4-də məğlub olub.

"Roma” 3 turdan sonra cəmi 3 xal toplaya bilib və qrup mərhələsində vəziyyətini çətinləşdirib.

Avropa Liqası, Liqa mərhələsi, 3-cü tur — bütün nəticələr:

Feyenoord 3–1 Panatinaikos
Zalsburq 2–3 Ferentsvaroş
Fənərbağça 1–0 Ştutqart
Braqa 2–0 Srvena Zvezda
Lyon 2–0 Bazel
FCSB 1–2 Bolonya
Qo Ehed İqlz 2–1 Aston Villa
Genk 0–0 Betis
Brann 3–0 Reyncers
Lill 3–4 PAOK
Seltik 2–1 Şturm
Makkabi (Təl-Əviv) 0–3 Midtyullann
Yanq Boys 3–2 Ludoqorets
Frayburq 2–0 Utrext
Nottinqem Forest 2–0 Portu
Selta 2–1 Nitsa
Malmö 1–1 Dinamo Zaqreb

Avropa Liqasında 3 turdan sonra turnir cədvəli:

📰 90plus.az