"Fənərbağça" “Ferentsvaroş”la heç-heçə etdi – İstanbulda gərgin 90 dəqiqə keçdi.

90plus.az xəbər verir ki, UEFA Avropa Liqasının Liqa mərhələsinin 5-ci turunda “Fənərbağça” doğma meydanda Macarıstan təmsilçisi “Ferentsvaroş”u qəbul edib və qarşılaşma 1:1 hesabı ilə başa çatıb.

Bu nəticədən sonra “Ferentsvaroş”un xalı 11-ə, “Fənər”in isə 8-ə yüksəlib.

Fənərbağça 1-1 Ferentsvaroş
Varqa 66'
Taliska 69'

Qollar: https://t.me/doxsanplus/111356

Matçdan diqqət çəkən məqamlar

• “Fənərbağça” 79-cu dəqiqədə Nene ilə dirəyə ilişib, qonaqlar isə iki dəfə qapı tirindən geri dönüb.
• 90+1-ci dəqiqədə Con Duran rəqibinə başla zərbə endirdiyi üçün birbaşa qırmızı vərəqə alaraq meydanı tərk edib və komandasını azlıqda qoyub.

Gənclərin çıxışı

• Start heyətdə yer alan gənc müdafiəçi Yiğit Efe Demir təhlükəli epizodlardakı müdaxilələri ilə fərqlənib, daha sonra zədələnərək əvəzlənib.
• Avropa Liqası qruplarında ilk dəfə şans qazanan Levent Mercan, Taliskanın bərabərlik qoluna gedən epizodda əsas rolu oynayıb.