Serbiya Futbol İttifaqı milli komandanın baş məşqçisi vəzifəsinə Velko Paunoviçinin gətirildiyini açıqlayıb.
90plus.az xəbər verir ki, 48 yaşlı mütəxəssis bu postda 17 oktyabrda istefa verən Draqan Stoykoviçi əvəz edib.
Paunoviç son olaraq “Real Ovyedo” klubunda çalışıb. Bundan əvvəl o, Meksikanın “Qvadalaxara” və “UANL Tiqres” komandalarında, həmçinin İngiltərənin “Reding” və ABŞ-ın “Çikaqo Fayr” klublarında da məşqçi olub. Serb mütəxəssis həmçinin ölkəsinin yeniyetmə və gənclər yığmalarında təcrübəyə malikdir.
Dünya çempionatının seçmə mərhələsində Serbiya yığması 13 noyabrda İngiltərə, 16 noyabrda isə Latviya ilə qarşılaşacaq. Hazırda Serbiya K qrupunda 10 xalla 3-cü sıradadır.
