Çempionlar Liqasının 6-cı turunda “Qarabağ”la Bakıda oynayacaq “Ayaks” aparıcı hücumçusunu itirmək riski ilə üzləşib.

90plus.az xəbər verir ki, Niderland çempionunun forvardı Vaut Veqhorst Erediviziya 15-ci turunda “Fortuna” (Sittard) ilə keçirilən 3:1 hesablı oyunda topuq nahiyəsindən zədələnib.

Veqhorst matç zamanı əvəzlənərək oyuna davam edə bilməyib. Onun zədəsinin ağırlığı bu gün dəqiqləşdiriləcək.

Qeyd: “Qarabağ” – “Ayaks” qarşılaşması 10 dekabrda Tofiq Bəhramov adına stadionda baş tutacaq və oyun saat 21:45-də başlayacaq.