Azərbaycan üzgüçülük yığmasının yeni baş məşqçisinin adı məlum olub.
90plus.az xəbər verir ki, bu vəzifə isveçrəli mütəxəssis Luka Qabrilo ilə doldurulub.
O, AÜF-ün baş katibi Oqtay Atayev tərəfindən yığma komandanın üzvlərinə təqdim edilib. Təqdimat mərasimində federasiyanın müşaviri Rəşad Əbdürəhmanov, idman direktoru Pyer Ləfonten və idman meneceri Mehdi Məmmədov da iştirak ediblər.
Qeyd: Luka Qabrilo 15 illik məşqçilik təcrübəsinə sahibdir. O, indiyədək İsveçrə, ABŞ, İsrail, Rumıniya, Çexiya, Filippin və Avstraliya kimi ölkələrdə fəaliyyət göstərib. Onun rəhbərliyi altında çıxış edən üzgüçülər Avropa və dünya çempionatlarında müxtəlif medal növləri qazanıblar.
