Azərbaycanın daha bir cüdoçusu Özbəkistanın paytaxtı Daşkənddə keçirilən "Böyük Dəbilqə" turnirində qızıl medal əldə edib.

90plus.az xəbər verir ki, 81 kq çəki dərəcəsində yarışan Ömər Rəcəbli finalda Rusiya təmsilçisi Abdul-Kerim Tasuyevi məğlub edib.

Bu gün tatamiyə çıxan digər Azərbaycan idmançıları – Kamran Süleymanov (73 kq), Fidan Əlizadə (63 kq) və Südabə Ağayeva (70 kq) – isə yarışları medalsız tamamlayıblar.

"Böyük Dəbilqə" turniri martın 1-də başa çatacaq. Ötən gün isə Əhməd Yusifov (60 kq) qızıl, Balabəy Ağayev (60 kq) isə gümüş medal qazanmışdı.