Balotelli 3-cü liqa komandasına imza atır.

90plus.az xəbər verir ki, Mario Balotelli, "Adana Demirspor"dan ayrıldıqdan sonra hələ heç bir komandaya imza atmayıb. İtalyan oyunçu ilə "Monza" və La Liqadan bir neçə komanda maraqlansa da, transfer baş tutmayıb.

İspaniya mətbuatı Balotellinin yeni ünvanını yazıb.

BALOTELLI 3-CÜ LİQAYA GEDİR

İspaniyanın 3-cü liqasının 2-ci qrup komandası "Intercity", Mario Balotellini heyətinə qatmaq üzrədir. AS qəzetinin xəbərinə görə, Intercity transfer danışıqlarında irəliləyiş əldə edib, lakin hələ rəsmi bir anlaşma olmayıb.

"Intercity" liqada keçirdiyi 6 oyundan 6 xal toplayıb və 15-ci sırada qərarlaşıb.

BALOTELLİNİN SON MÖVSÜMÜ

Keçən mövsüm "Adana Demirspor" forması geyinən Balotelli, Super Liqada keçirdiyi 16 oyunda 7 qol vurub və 1 assist edib.