"Barselona"nın 35 yaşlı polşalı qapıçısı Voysex Şesni siqaret çəkməsindən danışıb.

90plus.az xəbər verir ki, təcrübəli qapıçı bu zərərli vərdiş qarşısında hələ ki, aciz olduğunu etiraf edib:

 "Oyunum ilə bir sıra aspektlərdə gənclərə və komanda yoldaşlarıma əla nümunə ola bilərəm. Amma bəzi məsələlərdə ibrət götürəcəyiniz biri deyiləm. Xahiş edirəm, mənə baxıb siz də siqaret çəkməyin. Bu döyüşdə məğlub olmuşam.

"Bu zərərli vərdiş məndə yeniyetmə yaşlarında yarandı. Siqaret çəkmək mənə pis təsir edir, bunu bilirəm. Sadəcə, bu döyüşdə uduzmağa davam edirəm".

📰: ESPN