İspaniyanın Ali İdman Şurası (CSD) "Barselona"ya futbolçuları Dani Olmo və Pau Viktoru müvəqqəti olaraq qeydiyyatdan keçirməyə icazə verib.
90plus.az xəbər verir ki, bu barədə qurumun mətbuat xidməti məlumat yayıb.
La Liqa və İspaniya Kral Futbol Federasiyasının imtinasına baxmayaraq, Kataloniya klubu məhkəmələrdə şikayətlərinə baxıldığı dövrdə sözügedən futbolçularını La Liqa, ölkə kuboku və İspaniya Superkubokunda oynada biləcək.
Beləliklə, "Barselona" müvəqqəti olsa da, mövsümün ikinci yarısı üçün "yaşıl işıq" alıb.
