"Barselona" və "Mançester Siti"nin sabiq futbolçusu Denis Suaresin yeni klubunun adına aydınlıq gəlib. 90plus.az xəbər verir ki, o, karyerasını "Vilyarreal"da davam etdirəcək. Bu haqda klubun saytı məlumat yayıb.  29 yaşlı yarımmüdafiəçi "Vilyarreal"la 3 illik müqavilə imzalayıb.  Suares "Barselona"ya keçməmişdən əvvəl - 2015/16 mövsümündə də "Vilyarreal" da çıxış edib. Qeyd edək ki, Suares 2011-2013-cü illərdə "Mançester Siti"də, 2016-2019-cu illərdə isə "Barselona"da oynayıb.