"Barselona" "Portu"nun qapıçısı Dioqu Koşta ilə ciddi maraqlanır.

90plus.az xəbər verir ki, bu barədə "Sport" mlumat yayıb.

Mənbənin məlumatına görə, kataloniyalılar qolkiperin qiymətində güzəşt əldə edə biləcəklərinə inanırlar. Portuqaliya təmsilçisi yetirməsinin satışından 37,5 milyon funt-sterlinq qazanmaq niyyətindədir. 

"Barselona" 24 yaşlı "əlcək sahibi" uğrunda mübarizədə "Mançester Siti" ilə rəqabət aparmalıdır.

Qeyd edək ki, Koşta 2016-cı ildən "əjdahalar"ın əsas komandasının qapıçısıdır. O, 2021-ci ildən Portuqaliya millisinə çağırılır və hazırda əsas qapıçıdır.

Qeyd edək ki, Mark-Andre ter Ştegen zədəyə görə uzun müddətə sıradan çıxdığı üçün “Real Madrid”lə son oyunda (0:4) "Barselona"nın qapısını İnyaki Pena qoruyub. Kataloniyalılar bu yaxında azad agent olan polşalı Voytsex Şensnanı da heyətinə qatıb.