İspaniya La Liqasının 9-cu turunda "Barselona" və "Jirona" komandaları üz-üzə gəlib. "Luis Kompanis" Olimpiya Stadionunda keçirilən qarşılaşmada "Barselona" son dəqiqə qolu ilə 2:1 hesablı qələbə qazanıb.
90plus.az xəbər verir ki, matçın 13-cü dəqiqəsində Pedri "Barselona"nı önə keçirib. Yalnız 7 dəqiqə sonra, 20-ci dəqiqədə "Jirona" Aksel Vitselin qolu ilə hesabı bərabərləşdirib. Qonaqlar bərabərlik qolundan sonra ilk hissədə tam üstünlük qazansalar da, əldə etdikləri imkanlardan istifadə edə bilməyiblər.
İkinci hissədə "Barselona" üstünlüyü ələ alaraq hücumlarını artırsa da, hesab dəyişməyib. Lakin oyunun uzatma dəqiqələrində Ronald Arauxo müdafiədən hücuma qoşularaq Frenki de Yonqun ötürməsini qola çevirib və komandasına 3 xalı qazandırıb.
Oyunun gərgin anlarında "Barselona"nın baş məşqçisi Hansi Flik hakimə etiraz etdiyi üçün birbaşa qırmızı vərəqə ilə meydandan qovulub.
Bu qələbədən sonra "Barselona" xallarını 22-yə yüksəldərək zirvə mübarizəsini davam etdirib. "Jirona" isə 6 xalda qalıb.
Matçda vurulan qolların videoları:
https://t.me/doxsanplus/109259?single
https://t.me/doxsanplus/109270
