“Bayern Münhen” İbrahima Konate üçün "döyüşə" girdi.
90plus.az xəbər verir ki, “Bayern Münhen” müdafiə xəttini gücləndirmək üçün Premyer Liqa bazarını yaxından izləyir. FTransferNews yazır ki, klub “Liverpul”un fransalı mərkəz müdafiəçisi İbrahima Konatenin transferi uğrunda mübarizə aparan komandalar sırasına daxil olub.
25 yaşlı futbolçunun “Liverpul”la müqaviləsi cari mövsümün sonunda başa çatır. Bu səbəbdən Konatenin gələcəyi ətrafında böyük maraq formalaşıb və bir neçə Avropa klubunun onunla bağlı planları var.
“Bayern Münhen” Konatenin fiziki gücünü və oyun tərzini müdafiə xəttinə uyğun hesab edir. Futbolçu isə hələlik qərarını verməyib və danışıqlara mövsümün gedişində baxacağı gözlənilir.
Müqaviləsinin bitməsi fransalı müdafiəçini yay bazarının ən çox tələb olunan oyunçularından birinə çevirir.
