"Bayern Münhen" klubu "Köln"ün futbolçusu Said El Malanı heyətinə qatmaq istəyir.

90plus.az xəbər verir ki, Almaniya təmsilçisi artıq 19 yaşlı vingerin transferi ilə bağlı danışıqlara start verib.

Bu mövsüm "Köln"ün heyətində Bundesliqada 26 oyunda meydana çıxan El Mala 9 qol vurub və 4 məhsuldar ötürmə ilə yadda qalıb.

Məlumata görə, futbolçunun özü də "Bayern"ə transfer olunmağa maraq göstərir. "Borussiya" (Münhenqladbax) akademiyasının yetirməsi olan oyunçu daha əvvəl "Viktoriya Köln" klubunda da çıxış edib.

Gənc futbolçunun hazırkı komandası ilə müqaviləsi 30 iyun 2030-cu ilə qədər qüvvədədir.

Said El Mala ilə "Bayern Münhen"dən başqa "Barselona", "Brayton", "Nyukasl", "Çelsi", "Borussiya" (Dortmund), PSJ, "Tottenhem" və "Mançester Yunayted" də maraqlanır.