"Bayern" keçmiş oyunçusu Mario Qomezi klubda rəhbər vəzifələrdən birinə gətirə bilər.
90plus.az xəbər verir ki, Münhen klubu rəhbərliyi strateji əlaqələri möhkəmləndirmək niyyətindədir. Hazırda "Red Bull" sistemində üçüncü ən nüfuzlu şəxs hesab edilən və "Red Bull Soccer"in texniki direktoru vəzifəsini icra edən alman əfsanəsini kluba cəlb etmək istəyirlər.
Onun Avstriya şirkəti ilə müqaviləsi 2028-ci ilə qədər qüvvədədir. “Bayern” keçmiş oyunçunun gələcək planları barədə məlumat əldə etmək üçün ötən il qeyri-rəsmi maraqlanıb.
Qeyd: Mario Qomez Münhen təmsilçisinin heyətində 174 matça çıxıb, 113 dəfə rəqib qapılarına yol tapıb və 26 məhsuldar ötürmə verib. O, "Bayern" forması altında Çempionlar Liqasının, iki dəfə Almaniya çempionatının və Almaniya Kubokunun qalibi olub.
