"Aston Villa" hazırda "Bayern Münhen"də icarə əsasında çıxış edən "Çelsi"nin seneqallı forvardı Nikolas Ceksonu transfer etmək niyyətindədir.
90plus.az xəbər verir ki, Münhen klubu futbolçu ilə icarə müqaviləsini uzatmağı düşünmür.
Bu səbəbdən Cekson mövsüm başa çatdıqdan sonra yenidən “Çelsi”yə dönəcək. Ancaq London təmsilçisinin məşqçilər heyəti də onu gələcək planlarına daxil etməyib və hücumçu özünə yeni komanda tapmalı olacaq.
Belə bir şəraitdə “Aston Villa” oyunçuya rəsmi təklif göndərərək yay transfer dönəmində onu heyətinə qatmağı planlaşdırır.
24 yaşlı Seneqal millisinin üzvü karyerası ərzində Kasa Sports, Vilyarreal və Mirandes klublarının da formasını geyinib.
Onun “Çelsi” ilə mövcud müqaviləsi 30 iyun 2033-cü ilə qədər qüvvədədir.
