Kərim Benzema “Real Madrid”in Vinisius Junior və Kilian Mbappe ilə bağlı problemindən danışıb.

90plus.az xəbər verir ki, fransalı hücumçu Mbappenin mövqeyində oynadımadığını vurğulayıb:

”Mənə görə Kilian Mbappe 9 nömrəli hücumçu deyil. “Real”da problem budur ki, sol cinahda onun kimi, onun səviyyədə olan oyunçu var - Vinisius. Bax problem budur. Vinisiusu isə mərkəz hücumuna və ya sağ cinah hücumuna çəkə bilməzsən, çünki o, sol cinahda fərq yaradan biridir. Kilian Mbappedən çox şey gözlənilir, amma o, 9 nömrə deyil və bura da PSJ deyil, burada təzyiq yüksək olur.

Mbappe də bilir ki, “Real Madrid”də təzyiq çox yüksəkdir. Əgər 2-3oyun ardıcıl qol vurmasan, səninçün heç yaxşı olmayacaq. Ballon D'Or qazanırsan, lakin qazandıqdan sonra 3 oyun ardıcıl qol vurmadıqda yenə də səninçün yaxşı olmayacaq.

Məncə, Kilian bu hal ilə yaşamağı öyrənməlidir. O, hər oyunda yaxşı təsir bağışlamalıdır. Hər oyun yeni bir səhifədir. O, qollar vurmalıdır, çünki Real'a bunun üçün transfer edilib.

Kilian bütün diqqətini cəmləməli və 9 nömrə kimi oynamağı öyrənməli, sol cinahı unutmalıdır. O, Vini ilə uyğunlaşmalıdır. Razıyam, Kilian sol cinahda möhtəşəmdir, lakin artıq yeni vəziyyətə uyğunlaşmalıdır”.

Mənbə: El Chiringuito TV