RƏSMİ: Bəhlul Mustafazadə (28) UEFA Çempionlar Liqasının əsas mərhələsində qol vuran ilk azərbaycanlı futbolçu oldu!
Lap Möcüzə kimi...
90plus.az xəbər verir ki, bu qol “Qarabağ” üçün 94-cü (son) dəqiqədə vurulan, tribunaları coşduran qələbə qolu idi — inanılmaz bir an!
Onun qolu həm də Azərbaycan klublarının UEFA Çempionlar Liqasındakı 150 -ci qolu olub.
“Qarabağ”ın müdafiəçisi Liqa mərhələsinin VII turu çərçivəsində Almaniyanın “Ayntraxt” (Frankfurt) klubu ilə ev oyununda həlledici qola imza ataraq komandasına 3:2 hesablı qələbə qazandırıb. Beləliklə, Azərbaycan təmsilçiləri qitənin ən mötəbər klub turnirinin təsnifat və əsas mərhələlərində keçirdiyi 116-cı qarşılaşmada 150-ci qola çatıb.
Bu göstəriciyə 7 müxtəlif klub töhfə verib. Qolların böyük hissəsi “Qarabağ”ın payına düşür – 110 dəfə. “Neftçi” 18, “Bakı” 7, “Şəmkir” 6, “Kəpəz” 4, “Şamaxı” 3, “Xəzər Lənkəran” isə 2 qol vurub. Ümumilikdə 150 qoldan 136-sı təsnifat və pley-off mərhələlərində, 14-ü isə əsas mərhələlərdə (qrup və liqa) qeydə alınıb.
Xatırlatma: Çempionlar Liqasında Azərbaycan klublarının ilk qolunun müəllifi İmamyar Süleymanov olub. O, 22 iyul 1998-ci ildə Polşada keçirilən LKS – “Kəpəz” matçında (4:1) adını tabloya yazdırıb.
Bəhlulun qoluna keçid etmək üçün bu cümləyə klik edin
