Milli komandamızın və “Qarabağ”ın müdafiəçisi Bəhlul Mustafazadəyə xarici ölkədən rəsmi təklif daxil olub.
90plus.az xəbər verir ki, Çin təmsilçisi futbolçunu heyətinə qatmaq istəyir. Asiya klubu azərbaycanlı oyunçu ilə 2+1 illik müqavilə imzalamağı planlaşdırır. Mustafazadə ilə ilkin danışıqlar artıq aparılıb və tərəflər şəxsi müqavilənin əsas şərtləri üzərində razılığa gəliblər.
Çempionlar Liqasında “Qarabağ”a üçüncü qələbəni qazandıran oyunda əsas pay sahiblərindən biri olan Bəhlul bu təklifdən sonra gözlənilməz qərar qəbul edib. “Ayntraxt”la görüşdə 3:2 hesablı qələbədə mühüm rol oynayan müdafiəçi klubdan ayrılmaq niyyətindədir.
O, bu barədə klub rəhbərliyi və baş məşqçi Qurban Qurbanovla görüşərək mövqeyini bildirib.
Ağdam təmsilçisində dördüncü mövsümünü keçirən futbolçu qərarının dəyişməz olduğunu və yaxın vaxtlarda bu planını həyata keçirmək istədiyini qeyd edib.
Mənbə: sportinfo.az
