ABŞ Milli Basketbol Assosiasiyasında (NBA) mübarizə aparan "Boston Seltiks" klubu rekord məbləğə satılacaq.
90plus.az xəbər verir ki, Uilyam Çisholmun rəhbərlik etdiyi şirkət və "Sixth Street" investisiya fondu klubun sahibləri olan Qrausbek ailəsi ilə satınalma barədə razılıq əldə edib.
Razılaşmanın dəyəri NBA tarixində rekord sayılan 6.1 milyard dollar olacaq.
Qeyd: 1946-cı ildə yaradılan "Boston Seltiks" indiyədək 18 dəfə NBA çempionu olub. Hazırkı mövsümdə isə komanda Şərq Konfransının turnir cədvəlində ikinci pillədə qərarlaşıb.
