“Mançester Yunayted”in kapitanı Bruno Fernandeşin “Real Madrid”ə mümkün yarımmüdafiə gücləndirməsi kimi təklif edildiyi bildirilir.

90plus.az xəbər verir ki, madridlilər bu təklifə baxsalar da, futbolçunun transferini reallaşdırmaq qərarına gəlməyiblər. “Real Madrid” yarımmüdafiə xətti üçün başqa hədəflər müəyyənləşdirib və yay transfer pəncərəsində əsas diqqətini həmin futbolçulara yönəldəcək.

Bruno Fernandeşin vəziyyətinə gəlincə, Portuqaliya millisinin üzvünün “Mançester Yunayted”dəki gələcəyi hələ də qeyri-müəyyəndir. Bildirilir ki, futbolçu Mançesterdəki mövcud durumdan tam razı deyil və klubda daimi baş məşqçi təyin olunana qədər gələcəyi ilə bağlı yekun qərar verməyəcək.

Qeyd: “Mançester Yunayted” hazırda komandanı müvəqqəti olaraq Maykl Kerrikin rəhbərliyinə tapşırıb. Bu vəzifə “Real Madrid”də Alvaro Arbeloanın keçmişdə icra etdiyi rol ilə müqayisə olunur.