Enzo Mareska: “Barselona ilə oyun çox vacibdir” – Çelsi ağır sınaq qarşısındadır.
90plus.az xəbər verir ki, Çempionlar Liqasının Liqa mərhələsinin 5-ci turunda "Stemford Bric"də baş tutacaq "Çelsi - Barselona" görüşü öncəsi ev sahiblərinin baş məşqçisi Enso Mareska fikirlərini bölüşüb.
Mareska bildirib ki, qarşıdakı oyun böyük əhəmiyyət daşıyır:
“Barselona ilə üz-üzə gəlmək? Məncə, bu çox vacib matçdır. Axırda hər oyun üç xal dəyərindədir. Sabahkı Barselona və bazar günkü Arsenal matçları fərqli səbəblərlə önəmlidir. Amma bizim üçün ən yaxşısı oyundan-oyuna düşünməkdir”.
Hazırda “Çelsi” mövsümün ən çətin sınaqlarından birinə çıxır. “Barselona” İspaniya çempionu kimi Londona gəlir və ötən mövsüm Çempionlar Liqasının yarımfinalına qədər irəliləmişdi. “Çelsi” isə bu yay “Klubların Dünya Çempionatı”nı qazanaraq dünya çempionu olub.
Komandanın müdafiəçisi Mark Kukurelya da matçdan öncə Lamin Yamalın dayandırılmasının vacibliyini vurğulayıb:
“Lamin Yamal və Barselonanı dayandırmaq üçün əlimizdən gələni etməliyik. Bu tip oyunçulara qarşı oynamaq çətindir, çünki xüsusi istedad və keyfiyyətləri var. Bu, təkcə Kukurelya ilə Yamalın dueli deyil. Bu böyük oyundur və hamımız güclü performans göstərməliyik”.
Adətən “Çelsi”də tərs ayaqlı daxili yarımmüdafiəçi rolunda çıxış edən Kukurelya bu dəfə sol cinah müdafiəsində Yamal kimi dünyanın ən yaxşı sağ cinah oyunçularından birinə qarşı oynayacaq.
Kukurelya bu oyunu özü və ailəsi üçün “çox xüsusi matç” kimi təsvir edib. O, gecənin əhəmiyyətindən danışaraq bildirib: “Çempionlar Liqasında oynamaq fürsətimiz var, bu isə xüsusi bir gecədir. Klublar arasında hər zaman yaxşı oyun alınır”.
Kukurelya müsbət nəticə ümid etdiyini də vurğulayıb: “Ümid edirəm ki, sabah yaxşı oyun nümayiş etdirib üç xalı qazana bilərik”.
Flikin “Barselona” siyahısı: Raşford qayıtdı, Pedri yenə yoxdur
Hans-Diter Flik Londona aparacağı heyəti açıqlayıb.
Son oyunu xəstəlik səbəbindən buraxan Markus Raşford komanda ilə birgədir. Lakin əzələ problemi səbəbindən Pedri bu matça da yetişməyib. Qavi və Ter Ştegen də zədəli futbolçular arasında yer alır.
“Barselona” son Çempionlar Liqası oyununda “Brügge” ilə çətinliklə heç-heçə etmiş və matç 3:3 hesabı ilə başa çatmışdı.
Turnir cədvəlinə gəlincə, Çempionlar Liqasında hər iki komanda 4 oyundan 7 xal toplayaraq yan-yana dayanıb:
11. Barselona
12. Çelsi
