"Çelsi"nin futbolçusu Mudrikin atletikaya keçidi ilə bağlı iddialar təkzib edildi.
90plus.az xəbər verir ki, Ukrayna Atletika Federasiyasının prezidenti Olqa Saladuxa İspaniyanın "Marca" qəzetində yayımlanan və "Çelsi"nin futbolçusu Mixaylo Mudrikin Olimpiya sprinteri olmağa hazırlaşdığı ilə bağlı xəbəri qəti şəkildə təkzib edib.
"Mixaylo Mudrik heç bir yarış üçün milli yüngül atletika komandası ilə məşq etmir. Onun atletikaya keçidi ilə bağlı bizim heç bir müzakirəmiz olmayıb."
"Marca" Mudrikin 2028-ci ildə Los-Ancelesdə keçiriləcək Yay Olimpiya Oyunlarında iştirak etməyə hazırlaşdığını iddia etmişdi. Bu xəbər qısa müddətdə geniş yayılmış və sosial mediada rezonans doğurmuşdu.
Hazırda Mudrik antidopinq qaydalarının pozulmasına görə futboldan müvəqqəti uzaqlaşdırılıb. Bu hadisə onun gələcək karyerası ilə bağlı ciddi suallar doğurub.
Mövzu ilə bağlı daha bir təkzib də keçmiş jurnalist İqor Burbas tərəfindən səsləndirilib. O da bu xəbərin doğru olmadığını bildirib.
