"Çelsi"nin keçmiş futbolçusu və son olaraq "San Paulu"nun heyətində çıxış edən Oskar Junior karyerasını bitirmək qərarına gəlib.

90plus.az xəbər verir ki, 34 yaşlı hücumameylli yarımmüdafiəçi səhhətində yaranan problemlər səbəbilə peşəkar futboldan uzaqlaşacaq. Oskar noyabrın 11-də məşq bazasında aparılan adi tibbi yoxlama zamanı özündən getmişdi və daha sonra ona ürəklə bağlı problemlər diaqnozu qoyulmuşdu.

Oskar 2012–2017-ci illər arasında "Çelsi"nin formasını geyinib və London təmsilçisi ilə İngiltərə Premyer Liqasının çempionu olub.