Conatan Devidin əlavə vaxtda vurduğu qol “Yuventus”a “Budyo Qlimt” üzərində qələbə gətirdi və Turin klubu nəhayət, bu mövsüm Çempionlar Liqasında ilk üç xalını əldə etdi.
90plus.az xəbər verir ki, meydan sahibləri turnirin ikiqat çempionunu ilk hissənin ortalarında hesabı açaraq şoka saldılar.
Birinci hissədə topa daha çox sahib olan norveçlilər üçün bu hesab tam layiqli idi.
Lakin fasilədən sonra “Yuventus” daha fəal başladı və dərhal da bərabərlik qolunu tapdı.
“Yuventus” hücumlarını davam etdirdi və bir dəfə VAR tərəfindən ofsayd səbəbilə qolu ləğv edildi. Ardınca isə Veston Makkenninin başla vurduğu qol İtaliya klubunu hesabda önə keçirdi.
91-ci dəqiqədə Kenan Yıldızın zərbəsindən sonra qapıçıdan dönən topu Conatan Devid tamamladı və “Yuventus”a həlledici qolu bəxş etdi.
Bu qələbə ilə “Yuventus” xallarını 6-ya yüksəltdi və çərşənbə gününün oyunlarından öncə ilk səkkizlik – pley-offa birbaşa çıxış zonası – üçün olan fərqi üç xala endirdi.
Qələbəsiz qalan “Budyo Qlimt” isə 36 komandadan ibarət liqa mərhələsində cəmi 2 xalla 31-ci yerdədir:
Budyo Qlimt 2-3 Yuventus
Blomberq 27’
Openda 48'
Keni 58'
Fet 87'
David 90+1'
