Azərbaycan yığması Avropa çempionatında yarımfinala yüksəldi.
90plus.az xəbər verir ki, Azərbaycanın çimərlik futbolu millisi Avropa çempionatının final mərhələsində ikinci oyununu keçirib. Sahib Məmmədovun komandası Litva ilə qarşılaşıb və 1:2 hesabı ilə məğlub olub.
Yığmamızın yeganə qolunu Kamran Qürbətov vurub. Bu nəticəyə baxmayaraq, Azərbaycan qrupu ikinci pillədə başa vuraraq yarımfinal mərhələsinə adlayıb.
Millimiz sentyabrın 13-də keçiriləcək yarımfinal oyununda Rumıniya ilə üz-üzə gələcək.
Xatırlatma: Komandamız turnirdəki ilk görüşündə Belçikanı 5:4 hesabı ilə məğlub etmişdi.
