Üç il əvvəl, qız dostu Harriet Robsona qarşı təcavüz, zorlayıcı davranışlar, həmçinin fiziki hücum ittihamları ilə gündəmə gələn Meysn Qrinvud, İngiltərə Futbol Federasiyası tərəfindən müddətsiz olaraq heyətdən kənarlaşdırılmışdı.
90plus.az xəbər verir ki, 23 yaşlı oyunçu sonradan "Mançester Yunayted"dən "Xetafe"yə icarəyə verilmiş, 2024-cü ilin iyulunda isə Liqa 1 klublarından "Marsel"ə transfer olmuşdu.
MİLLİ KOMANDASINI DƏYİŞİR
Həm "Xetafe", həm də "Marsel" formasıyla yaxşı performans sərgiləyən oyunçuya pis xəbər İngiltərə Futbol Federasiyasından gəlib. Edilən açıqlamada, Qrinvudun bir daha İngiltərə Milli Komandasına çağırılmayacağı bildirilib. Bu səbəblə, oyunçu yeni bir səhifə açmaq üçün düyməni basıb.
Əvvəlcə bir dəfə İngiltərə Milli Komandasının formasını geyinən Qrinvud, artıq Yamayka Milli Komandasının formasını geyməyə hazırlaşır. Yamayka pasportu da olan 23 yaşlı hücumçu, bu ölkənin milli komandasında oynamaq üçün müraciət edib və lazım olan prosedurları tamamlayıb. Qrinvud UEFA-dan gələcək təsdiqdən sonra Yamayka Milli Komandasının formasını geyinməyə başlayacaq.
