Çempionlar Liqasının Liqa mərhələsində 1-ci turun bütün görüşləri başa çatıb və artıq turnir cədvəlində mövqelər müəyyənləşib.

90plus.az xəbər verir ki, Azərbaycan çempionu “Qarabağ” da ilk turdakı nəticəsi ilə mövqeyini bəlli edib. Sentyabrın 16-da səfərdə “Benfika” üzərində 3:2 hesablı qələbə qazanan Ağdam təmsilçisi 3 xal toplayaraq hazırda 10-cu pillədə qərarlaşıb.

Qurban Qurbanovun rəhbərlik etdiyi kollektiv növbəti oyunda doğma azarkeşlər qarşısına çıxacaq. İkinci turda rəqib Danimarka klubu “Kopenhagen” olacaq.

Qarşılaşma 1 oktyabrda Tofiq Bəhramov adına Respublika Stadionunda keçiriləcək.