“Yuventus”un və İtaliya millisinin sabiq müdafiəçisi Corco Kiellini “Los Anceles FC” klubunun sahiblərindən biri olub və bu qərardan böyük məmnunluq duyduğunu bildirib.
90plus.az xəbər verir ki, klubun rəsmi açıqlamasında Kiellini deyib:
“Bu qərarı verdiyim üçün qürur duyuram, çünki klubda ilk gündən hiss etdiyim enerji xüsusi idi.”
40 yaşlı Kiellini 2022-ci ildə “Los Anceles FC” ilə MLS Kubokunu qazandıqdan sonra futbolçu karyerasını başa vurub və 2024-cü ildə klubda oyunçu inkişafı üzrə məşqçi kimi fəaliyyət göstərib.
Doqquzqat A Seriyası çempionu olan Kiellini indi Uill Ferrell və Magic Conson kimi məşhur ortaq sahiblərə qoşularaq öz geniş futbol təcrübəsini MLS-də “LAFC”nin ambisiyalarını gücləndirmək üçün istifadə edəcək.
