Paris-2024 Yay Olimpiadasında uğur qazanan cüdo millimizin şərəfinə təşkil olunan mərasimdə çempion olan idmançılarımıza mənzil hədiyyə olunub.
90plus.az xəbər verir ki, Azərbaycan Cüdo Federasiyasının təşkilatçılığı ilə baş tutan tədbirdə cüdoçularımızın qələbə görüntüləri əks olunan video-çarxlar təqdim edilib.
Azərbaycan Cüdo Federasiyasının prezidenti Rəşad Nəbiyev, Milli Olimpiya Komitəsinin sədr müavini Çingiz Hüseynzadə və gənclər və idman naziri Fərid Qayıbov çıxış edib.
Son olimpiya oyunlarının qalibləri Hidayət Heydərovla Zelim Kotsoyevə Beynəlxalq Cüdo Federasiyasının Cüdo üzrə Qızıl Nömrələri təqdim olunub. Aşağıdakı şəxslər mənzil alıblar:
1992-ci il Yay Olimpiya Oyunlarının qalibi Nazim Hüseynov, 2008-ci il Yay Olimpiya Oyunlarının qalibi Elnur Məmmədli və 2024-cü il Yay Olimpiya Oyunlarının qalibləri Hidayət Heydərovla Zelim Kotsoyev, həmçinin Azərbaycanın Əməkdar məşqçiləri Tərlan Həsənov və Elxan Məmmədov.
