“Vest Hem”in yarımmüdafiəçisi Deklan Rays iş yerini dəyişə bilər. 90plus.az “The Telegraph”-a istinadən xəbər verir ki, ingiltərəlini transfer etmək uğrunda mübarizəyə “Mançester Yunayted” də qoşulub. “Qırmızı şeytanlar” Rays üçün qarşı tərəfə Harri Maquayr və Skott Maktomineyi təklif ediblər. Öncədən “Arsenal”ın da Raysı heyətində görmək istədiyi bildirilirdi. İngiltərə millisinin üzvü 2022/23 mövsümündə “çəkicdöyənlər”in heyətində bütün turnirlər daxil olmaqla 50 oyuna çıxıb, beş qol vurub və dörd məhsuldar ötürmə edib.