Deklan Raysın dublu ilə “Arsenal”dan çətin qələbə gəldi.

90plus.az xəbər verir ki, Deklan Raysın vurduğu iki qol Premyer Liqanın lideri olan “Arsenal”a səfərdə “Bornmut” üzərində əzmkar qələbə qazandırdı.

Matça daha fəal başlayan meydan sahibləri 10-cu dəqiqədə Qabrielin kobud səhvindən sonra Evanilsonun qolu ilə hesabı açdı. Lakin “Topçular”ın müdafiəçisi qısa müddət sonra səhvini düzəltdi. 16-cı dəqiqədə Qabriel Martinellinin zərbəsindən qayıdan topu tamamlayaraq tarazlığı bərpa etdi.

İkinci hissədə təşəbbüsü tam ələ alan “Arsenal” 54-cü dəqiqədə önə keçdi. Martin Odeqorun ötürməsindən sonra Deklan Rays cərimə meydançasının kənarından dəqiq zərbə ilə fərqi artırdı. 71-ci dəqiqədə isə Bukayo Sakanın ötürməsindən sonra Rays yenidən fərqlənərək Premyer Liqada karyerasında ilk dəfə dubl etdi.

“Bornmut” 76-cı dəqiqədə Eli Junior Krupinin uzaqdan vurduğu baxımlı qolla ümidlənsə də, hesabı bərabərləşdirmək mümkün olmadı:

Bornmut 2 - 3 Arsenal
Evanilson 10’
Qabriel 16’
D. Rays 54’ 71’
Kroupi 76’

Qollar: https://t.me/doxsanplus/112961

İngiltərə Premyer Liqası, 20-ci tur

ℹ️ Bu qələbə Mikel Artetanın komandasını ikinci pillədəki “Aston Villa”dan 6 xal irəli çıxardı. “Mançester Siti”nin bazar günü “Çelsi” ilə oyunu fərqi yenidən 4 xala endirə bilər.

Bununla belə, “Arsenal” Premyer Liqada ardıcıl beşinci qələbəsini qazanaraq çempionluq yolunda inamlı irəliləməyə davam edir. London təmsilçisi 2003/04 mövsümündən bəri ilk titulunu qazanmağı hədəfləyir və hazırda əsas olan məhz nəticələrdir.